Kè
Dye twa fwa sen (2 fwa)
Nap rele ou souple,
Lonje men ou ban nou
Pa kite nou dekouraje
Dye twa fwa sen (2 fwa)
Nap sipliyew souple,
Voye je ou sou nou
Pa kite nou pèdi lafwa.
1
Lè n gade lanmè ou kreye
Lè n gade bèl flè ou kreye
Nou wè vrèman Senyè
Ou se Bondye siprèm
Nou pa ta dwe janmè manke
Lè n gade ti van kap soufle
Lè n gade latè ou kreye
Nou santi nan nou menm
Ou se Bondye siprèm
Nou vle ba ou tout lavi nou.
2
Lè n gade zwazo kap chante
Lè n gade zetwal kap klere
Nou wè vrèman Senyè
Se ou menm ki fè yo
Se ou menm ki dirije yo
Lè n gade syèl la ou kreye
Lè n gade lapli ou voye
Nou santi nan vi nou
Ou se Bondye siprèm
Nou remèt ou tout lavi nou.
