1
Genyen de moman nan lavi
Ou santiw fèb e dekouraje
Lè lakay blanch san manje
Ou dwe plis pase très cheve ou
Vwazinaj ap pèsekite ou
Lannwit kou jounen yap joure ou
Ou santi ou dezespere,
San pèsonn ki pou konsole ou.
Kè
Sovè a di nan pawòl li
Pote tout chaj ou yo ba li
Lape tann ou de bral louvri,
Se pou oul te mouri.
2
Souvan maladi vin tonbe
Tristès, lapenn vin ogmante
Ou nan travay yo revoke ou
Tout zanmi ou yo abandone ou
Lannwit, lajounen dlo nan je ou
Wap mande saw fè, wap peye
Ou vle mouri, lanmò pa vle ou
Vin jwenn Jezi la delivre ou.
3
Yon kretyen gen de lèk rive
Nou santi n vrèman boulvèse
Lè tanpèt lavi debòde
Van ap vante, loraj gronde
Lè bak nou prèt poul chavire
Nou tonbe sou jenou n nou priye
Sovè a ki toujou tou pre
Vin seche je n e konsole n
Kè
Frèm sèm pa lese ou dekouraje
Lè tout bagay pa janw ta vle
Sonje byen Jòb te epwouve aprèl te delivre.
