Kè

Jezi! Tout tèt bese

Jezi! Tout jenou flechi

Jezi! Ala yon non!

Depiw sitel

Wayòm satan tranble.

1

Gen kèk moman m konn santim antrave

Mwen sèlman site Jezi m soulaje

Nan tout linivè se non sa a ki pi gran

Se li pouw site pouw jwenn bout satan

Gen moun se yon priyè yo fè konfyans

Ak tout priyèw la satan pap baw chans

Gen kèk kote priyèw la pap sèvi

Lè sa a wa sezi wèw te nan manti.

2

Gen kèk moman satan fin dechennen

Lap bay presyon li pa vle wè kretyen

Mwen sèlman di: Jezi! li pran kouri

Se sèl non ki fè kè satan sote

Se non sa a mwen genyen kòm modpas

Depim sitel tout bagay vin anplas

Non sa a pa gen fontyè, li pa gen baryè

Nenpòt lèw sitel se poul fèw wè klè.

3

Devan non Jezi satan pa kanpe

Devan non sa a maladi dwe batba

Se yon non pisan ki chaje ak fòs,

Lè mwen dekouraje se lik banm fòs

Pa gen nan syèl la yon lòt pi gran non

Pa gen sou tè a yon lòt non konsa,

Nan lespas, anba tè a ou pap jwenn

Se sèl non sa a ki depase tout non.

Chant du groupe les Gilbert

The post 14 CSK – Gen kèk moman m konn santim antrave appeared first on Haitianview.

Kè

Delivrans lan pa lòt kote

Se sèl nan Bondye,

Sèl nan Bondye, sèl nan Bondye

Delivrans lan pa lòt kote

Se sèl nan Bondye,

Se sèl li ki ka di yon mo.

Solisyon an pa lòt kote

Se sèl nan Bondye,

Sèl nan Bondye, sèl nan Bondye.

Solisyon an pa lòt kote

Se sèl nan Bondye

Se sèl li ki ka di yon mo.

1

Li enposib pou Bondye la

Pou pa gen chanjman

Depil parèt li pap pran tan

Pou li fè yon jan

Bondyem nan pa janm

Depase pa lèzevènman

Remèt li ka a, li menm li gen medikaman.

2

Pa gen anyen serye

Ou ka regle san Bondye

Ou mèt bat tèt ou,

Kraze kò ou, tout se kòve

Bondye gen pouvwa

Pou li mete nou kanpe djanm

Sèl li menm ki ka fè

Lavi nou briye kon flanm.

Chant du groupe les Gilbert

The post 13 CSK – Delivrans lan pa lòt kote appeared first on Haitianview.

1

Sou lakwa ou pat regrèt

Bay lavi ou pou mwen

Se tou nòmal poum remèt

Lavi mwen nan menw

Mwen vle yon enstriman nan menw

Akòdem jan ou vle

Kontwolem, dirijem,

Lavim se pou ou.

Kè

Pran volontem Senyè,

Pwogramem jan ou vle

Kondui mwen,

Mennen mwen

Kote ou vle

Se ouk pou deside,

Fèm mache jan ou vle

Itilizem, Kontwolem,

Se tout mwen menm ki pou ou.

2

Menm jan potye a fè sal vle

Ak ajil la ki nan menl,

Se konsa tou chè Senyè

Ban mwen fòm ou vle

Siw wèm ta nan wout pèdi ray,

Ralem vin jwenn ou

Pa gen diskisyon nan sa

Se zafèw mwen ye.

3

Se pa sim vle men se yon dwa

Ou genyen sou mwen,

Si se pat ou mwen tap pèdi,

Mwen pa tap anyen

Menm jan ak yon moso lakrè

Nan men yon pwofesè

Mwen nan men ou chè Senyè

Fè sa ou vle avèm.

Chant du groupe les Gilbert

The post 12 CSK – Sou lakwa ou pat regrèt appeared first on Haitianview.

Kè

Ki sak ka ranplase,

Prezans ou nan lavim Senyè.

Ki sak ka ranplase

Prezans ou nan kè mwen

O! Anyen! O! Anyen!

Pa ka ranplase prezans ou nan lavim.

1

Lè mwen potko rankontre ou,

Mwen pat janm gen lapè ditou,

Chagren, lapenn, dekourajman

Te pran kè mwen pou fè depo

Tout efòm fè poum jwenn solisyon,

Sitiyasyon pat janm chanje

Men lèm rankontre ak Jezi,

Mwen ka di se pa menm bagay.

2

Mwen tap viv, lavim pat gen sans

M tap mache m pat gen direksyon

Malgre tout sam te eseye,

Mwen pat janm rive satisfè,

Depi menm jou ou pran plas nan kèm

Lapè ak lajwa anvayim, m pa gen mo

Poum eksplike sa,

Sèlman m konstate m chanje.

3

Pa gen anyen ki ka ranplase

Lavi etènèl ou ban mwen

Pa gen anyen ki ka ranplase

Tout pwomès ki nan pawòl la

O! Anyen paka ranplase

Prezans Sentespri nan lavim

Pa gen anyen ki ka ranplase

Prezans ou Senyè nan lavim

Chant du groupe les Gilbert

The post 11 CSK – Ki sak ka ranplase prezans ou nan lavim Senyè appeared first on Haitianview.

Kè

Si nap viv frè mwen

Gras Bondye kouvri n

Pa gen anyenn fè pou sa,

Se rete n, rete n wè n konsa. (2 fwa)

1

Si se pat Bondye k te kenbem,

Vye lavi tap gentan krazem,

Pa gen rezon poun atriste

Lèw wè afèw poko mache.

Bondye gen yon plan pou chak moun

Rete tann li pa gad sou moun

Lè jou delivrans ou rive

Pa gen moun ka anpechel.

2

Pingaw enkyetew pou lavi

Sèlman kwè nan sa Bondye di

Menm si lavi a difisil

Pou Bondye tout bagay fasil

Si moman an parèt tou nwa

Toujou kwè gen yon lè fòl konsa

Moun ki met konfyans nan Bondye

Pa janm rete abandone.

3

Poukisa nap plede plenyen,

Tout jounen figi ou fennen

Ou bliye si Bondye fidèl,

Li sansib pou moun ki avèl

Ou pa bezwen di moun afèw,

Se sèl li menm ki wè mizèw

Konnen byen sin dekouraje,

Se satan nap ankouraje.

Se gras Bondye

Siw wè map mache, baka pa manjem

Se gras Bondye

Ensekirite… kèm pa janm sote

Menm si lavi a chè men nou toujou manje

Siw wè map mache, map bay Bondye glwa

Siw wè nou legliz nap sèvi Bondye

Si nou pa malad, nou pa lopital

Siw wè nal lekòl, nou tout reyisi.

Chant du groupe les Gilbert

The post 10 CSK – Si nap viv frè mwen appeared first on Haitianview.

1

Lavi ou lanmò banm Jezi,

Pa gen anyenk pou fèm kitel,

Se nan lik gen lavi

Si nan lemonn te gen afè

Se la n te ye nou ta jwenn li

Kounyè a m santim byen, kitem la.

Kè

Deyò a pa gen anyen,

Se ladann nou te ye

Eskew wè se menm bagay

Lèw rankontre Jezi

Yon bon zanmi tankou Jezi m pa wè

Rezon poum pa sèvil,

Fò n lage kò n nan menl je fèmen.

2

Gen moun vrèman ki gen lajan,

Men tèt yo cho tankou vè lanp

Yap tann jou regleman

Lè se Jezi k ba ou richès,

Li pa ba oul ak regleman,

Lè saw santiw alèz, kèw anpè.

3

Lèw nan lemonn ou pran pleziw

Lè saw pa gen okenn limit,

Ou vire kòw janw vle

Byen manje, byen bwè, byen mennen,

Mezanmi se pa ti koze

Lolo, satan ap lolow poul manjew.

4

Gen lèw bliye kotew soti,

M wè ou gen lide pou tounen,

Sanwont ki ta nan kòw

Sa ou te konn pran nan lemonn,

Jis kounyè a w pa vle rayil

Ala ou gen mizè rekonesans.

5

Siw wè jodia map chante

Se gras Bondye k metem sou moun,

Se yon moun fini m te ye

Lèm rankontre avèk Jezi

Li krazem epi li refèm

Depi lè sa a m chanje, men mwen.

Chant du groupe les Gilbert

The post 9 CSK – Lavi ou lanmò banm Jezi appeared first on Haitianview.

1

Sa ou ye pou mwen

Se pa bagay m pap janm ka fin eksplike

Ou jwe wòl manman, ou jwe wòl papa

Parenn mwen se ou.

Si se pat gras ou konbyen m tap bay

Poum jwenn yon zanmi tankouw

Ou se richès mwen, bonè mwen

Se sa mwen ka di.

Kè

Ou se referans mwen

Ou se garanti mwen

Espwa mwen se ou.

Ou se asirans mwen,

Siw pat la sam tap fè,

Kòman sa tap ye.

2

Ou jwe wòl manman, ou jwe wòl papa

Janmen ou pa janm trayim

Ou se kat kredim, se ou ki kanèm

San ou m pa fonksyone

Ou plis kon mari, ou plis kon madanm

Pèsonn paka konparew,

Ou se tout byenm

Espwa mwen, se sa mwen ka di.

3

Non sèlmanw pran swenm

Ou pwomèt mwen

Yon lavi ki pap gen fen

Bagay menm nan rèv mwen pa tap wè

Ou ban mwen yo gratis.

Koze maladi, koze lanmò,

Tout bagay sa yo regle,

Ou se doktèm, konseyem,

Se sa mwen ka di.

Chant du groupe les Gilbert

The post 8 CSK – Sa ou ye pou mwen appeared first on Haitianview.

Kè

Lespri Bondye a

Fèm santiw pi pre

Lespri Bondye a

Fè dout yo ale.

1

Mwen chita nan mitan

Yon lavi ki tou nwa

Mwen pa ka rive konprann

Kòmanm fè rive la

Paske ou te di ou

Bannou yon limyè ki

Pou klere tout saw vle sou latè.

2

Mwen konnenm peche

Limyèm pa ka klere

Mwen pa anvi chache

Sa pawòl ou mande

E poutan se sa kèm dezire

Poum santi tout chay sou dom leve.

3

Padonem papa

Netwaye kè mwen

Fè limyèm klere

Pifon, pi lwen, pi blan, pi bèl pou ou.

The post 7 CSK – Lespri Bondye a appeared first on Haitianview.

1

Lòtbò jouden sa a

Gen yon lavi kap pare

Yon ti gout kè kontan epi

Yon ti gout kè mare

Anba solèy sa a

Menm si nape lite

Nou gen konfyans

Yon jou sa pral chanje

Paske

Kè

Gen yon je kape gade

Gen yon zòrèy kap koute

Gen yon limyè kap klere

Chemen lanmou gentan montre

Lè manman tape priye

Lè papa tape gide

Lè Jezi tape kriye.

2

Lòtbò jouden sa a

Nou ka byen separe

Pou rantre ou byen pifon lakay

Oubyen nan peyi etranje

Kote nou pase

Fòk lavi nou klere

Jouk tan lè a rive pou nou ale

Kote.

3

Lòtbò solèy la

Lòtbò zetwal yo

Gen yon je kape gade

Gen yon zòrèy kap koute

Gen yon limyè kap klere

Chemen lanmou gentan montre

Lè manman tape priye

Lè papa tape gide

Lè Jezi tape kriye.

Chant du groupe Alabanza

The post 6 CSK – Lòtbò jouden sa a appeared first on Haitianview.

1

Lèm chita nan prezans ou

Ansanm ak lòt pitit ou yo

Vwa mwen anvi monte rive

Jouk kote nanm mwen ye

Deja ye.

Pi wo pase zetwal yo

Pi pre kotew rete

Se la mwen anvi dòmi leve

Pa genyen pi bon plas pase

Kote mwen kache nan prezans ou.

Kè

Nan prezans ou, nan prezans ou

Pa gen pi bon kote pou mwen kache

Nan prezans ou, nan prezans ou

Se la mwen anvi rete nèt ale.

2

Lè mwen chita nan prezans ou

Ansanm ak lòt pitit ou yo

Vwa mwen anvi monte rive

Jouk kote nanm mwen ye

Deja ye.

Pi wo pase zetwal yo

Pi pre kotew rete

Se la mwen anvi dòmi leve

Pa genyen pi bon plas pase

Kote mwen kache nan prezans ou.

3

Nèt ale nan peyi ki pa genyen doulè

Nèt ale paske li te mouri pou mwen

Nèt ale paske li te resisite

Nèt ale kotel mwen vle rete.

Pi wo pase zetwal yo

Pi pre kotew rete

Se la mwen anvi dòmi leve

Pa genyen pi bon plas pase

Kote mwen kache nan prezans ou.

Chant du groupe Alabanza

The post 5 CSK – Lèm chita nan prezans ou appeared first on Haitianview.