1
Jezi ou ki renmen mwen
Kite mwen ale jwenn ou;
Tout lòt azil kapab ven,
Lè lanmò menase nou.
Kache mwen, o Sovè mwen,
Pandan tout loraj lavi.
Resevwa mwen alafen
Nan lapè ki pap fini.
2
Ou se sèl refij mwen gen,
Nanm mwen pa gen lòt espwa
Tanpri, pa bandone mwen,
Sovèm, lè tout bagay nwa.
Mwen vle konfyem nan ou sèl
Mwen pa genyen lòt sekou;
Sèvi pou mwen kon yon zèl
Ma va byen lèm avèk ou.
3
Mwen pa bezwen lòt bagay
Pase ou, bon Jezikri.
Se ou menm ki te konn bay
Lasante e menm lavi.
Mwen menm, mwen pa vo anyen,
Mwen genyen anpil peche,
Se ou sèl ki vrèman sen,
Ou se gras e verite.
4
Genyen anpil gras nan ou,
Pi gran pase peche nou.
Gras ou se yon bagay dou,
Kite li travay nan nou.
Jezi ou se sous lavi
Banm Lespri ou san mezi
Jayi nan mwen kon yon pui;
Se lavi ki pap fini.
