1
Anwo mòn Kalvè, yo te plante yon kwa
Pou mete yon nonm yo meprize.
Men nonm sa a se te sèl pitit Bondye a,
Ki mouri pou nou ka sove.
Kè
Kris pann sou lakwa,
Sa se sijè chan mwen,
Kris sa a li byen mèveye.
Li rachte sak pèdi,
Li te peye tout pri.
Glwa pou Jezi klouwe sou lakwa.
2
Lèzòm pat konnen sa yo tap fè lè sa a;
Kris di: padone yo, souple.
Yo pa te konnen kwa yo meprize a,
Se te lakwa Kris glorifye.
3
Gen moun ki adore kwa Kris la sèlman,
Mwen menm m adore Kris sou kwa a.
Paske se pa nan kwa a pisans la rete,
Men se Kris sèl ki bay viktwa.
