1
Nan monn sa a gen moun kape viv san Bondye
Yo pa panse ak sa ki kapab rive
Yo pa asire nanm yo okenn kote
Se nan Jezi nanm moun ka gen lapè.
Kè
Ou menm ki pòv, vin jwenn Jezi
Ou menm ki rich, vin jwenn Jezi
Leve pye ou, tè sa a pral disparèt.
2
Nan monn sa a anpil moun chache gen yon asirans
Men yo pa genyen asirans pou nanm yo
Pa panse al kay bòkò se yon asirans
Se nan Jezi nanm ou va asire.
3
Nou sonje tout katastwòf ki konn pase
Ki konn ravaje peyi nou Ayiti
Grannèg yo kou malere konn oblije
Rekonèt pouvwa Bondye nou an genyen.
4
Gen yon pi gwo katastwòf ki pral vini
Siw san Jezi ou tankou yon kay koule
Wa twonpe solèy menw pap twonpe lapli
Bay Jezi laviw pouw pa peri jou sa a.
