1
Nap viv nan yon ti tan
Lasyans ape fè pwogrè
Lè nou ouvri bib la,
Se bagay ki te ekri
Lèzòm al nan lalin
Poul kapab abite.
Refren
Bondye bay konesans
Pou chanje kè lèzòm,
Epi sa ki pi bèl,
Li fè yo al nan lalin
Men ou menm frè mwen,
Pigaw pèdi lafwa
Tout sa se pwofesi
Nou wè kape akonpli.
2
Frè mwen an Jezikri,
Annou travay pou mèt la
Ou menm kape priye
Miltipliye priyè ou
Ou menm kape preche
Mande Jezi direksyon
Si ou preche lachè
Ou met tèt ou nan erè.
3
Lèzòm al nan lalin
Yap chache sekirite
Gen lè yo te konprann
Yo tape wè Sovè a
Lè yo te rive,
Yo wè se tankou latè
Yo pat wè Letènèl
Epoutan lap gade yo.
4
Pitit Jezikri yo
Piga nou dekouraje
Gen yon jou kap vini,
Bondye pral mande nou kont,
E selon sa nou fè
Li va ban nou rekonpans;
Se sèlman Letènèl
Ki va genyen dwa sou nou.
