1
Kretyen pa dwe gen tristès
Tankou moun ki san espwa;
Men, konn ki moun nou ye
Nou se pitit yon Wa,
Mwen di nou anverite;
Sa se pawòl sèten,
Pou moun kap swiv Jezi
Pou kè nou pa twouble.
Refren
Nou dwe kontan,
Nou dwe jwaye
Menm zwazo pa plante,
Men li viv ere
Jezi va pran swen nou.
2
Men si lòm te gen lespri
Pou yo konnen jan Bondye bon
Yo ta met tèt ansanm
Yo ta viv tankou de pwason
Ki rete nan dlo lanmè;
Si nou te kite Bondye
Kondui nou jan li vle;
Nou ta wè jan sa bèl.
3
Bondye mete pye nan lòm,
Poul mache kote li vle
Li wè sa pa sifi
Toujou pou lòm mache;
Men gen peyi ki lwen anpil,
Li ba yo konesans
Pou fè avyon vole,
Pou yal kote yo vle.
4
Men lòm te dwe kalkile
Bondye fè yon sèl solèy
Li metel nan syèl,
Pou klere toupatou,
Tout kote nou ye sou tè a.
Men se yon sèl solèy
Pa gen youn ankò,
Ala gran Bondye gran.
