1
Mwen pa bezwen pè, Sovè mwen tou pre
E pou sove mwen li prèt pou parèt.
Ma va priye anpil se Kris kap aji,
Lè li nan kannòt mwen, mwen pa pè tanpèt.
2
Si chemen mwen nwa, se Kris ki gid mwen
Ma obeyi li, la pwoteje mwen.
Menm si tout moun kont mwen
E tout bagay nwa,
Pawòl li pap manke, li dwe akonpli.
3
Amou li pou mwen, se pa bagay yè,
Poutèt sam konnen li pap kite mwen.
Mwen pa kapab bliye tout delivrans mwen;
Poutèt sam konnen la edem jouk lafen.
4
Mwen pa pou plenyen soufrans ni bezwen
Kris te avètim sa gen pou vini.
Pawòl li anseye tout moun kap swiv li
Dwe sibi tantasyon ak pèsekisyon.
5
Tout sa kap rivem, va sèvim yon byen,
Maksepte soufrans kòmsi li te dous.
Li pap dire lontan, byento la sispann.
Nan Kris ma va kontan, ma gen laviktwa.
