Kè
Pa dekouraje, pa dekouraje
Menm lèw nan mitan gwo pwoblèm
Lè moman yo pi difisil, pa dekouraje.
Konnen Jezi Sovè a
Se pi gwo matematisyen
Lape veye sou nou chak jou
Pa dekouraje.
1
Lavi a vin di pou ou
Tout bagay parèt nwa devan ou
Lannwit ou pa gen somèy
Kalkil anvayi ou
Menm nan vye moman sa yo
Pa bay satan viktwa
Rele Jezi, lap ede ou
Pa dekouraje.
2
Madanm, pitit, mèt malad
Kay la mèt pa genyen manje
Tout bagay kapab chanje
Si ou priye Bondye.
Se li ki pi bon patwon, ki pi bon doktè
Priyel, gras li va desann
Pa dekouraje.
3
Si tout moun abandonew, pa dekouraje
Si wap viv nan lamizè, pa dezespere
Rele Bondye nan syèl la
Dil men mwen devan ou
Li tou prèt poul sekouri ou
Pa dekouraje.
