1
Mwen pap janm bliye jou sa a
Lakay te blanch san anyen
Timoun yo tape kriye
Manman, papa, mwen grangou
Mwen bay madanm nan yon goud
Mwen dil pran li jan li ye
Se tout sam te posede
Map pati sou kont Bondye
Lèm rive nan estasyon
Mwen jwenn yon djòb maladjè
Sou yon kamyon Ansavo
A di goud aleretou
Timoun yo va jwenn yon pen
Rive sou tèt mòn Tapyon
Kamyon chavire avèm
Bondye sovem.
2
Mwen sonje yon lòt jou ankò
Nan ki eta mwen te ye
Levanjil tape preche
Mwen pat tande, mwen pat wè
Plezim se te bwè kleren
Mwen leve yon dimanch maten
Mwen jwenn madanm abiyel
Li mandem pou mal legliz
Lè sa a eskandal pete
Mwen pran kamyon mal Sodo
Ti plezi mwen te renmen
Chak ane m pa janm mankel
Lèm rive nan bwè kleren
Mwen tonbe san konesans
Mezanmi saw kwèk rive
Yo te voye mò sou mwen.
3
Ti Pyewo se gwo gangan
Yo mennenm al vizitel
Mezanmi depi sis jou
Sakrifis sou sakrifis
Lè mwen pa jwenn rezilta
Yo mennenm al kay Jako
Yon ti granmoun bouch flobop
Ki pat ka fè mwen miyò
Mezanmi m dezespere
Mape mande kotem ye
Lè sa a mwen sonje madanm
Ki tap palem de Jezi
Mwen rele Jezi Sovèm,
Se ou sèl ki pou sovem
Bagay nou pa ta vle kwè
Jezi sovem.
Sèl bon doktè, se Jezi Sovèm
Moun ki bay lavi, se Jezi Sovèm
Sèl reparatè, se Jezi Sovèm
Sèl konsolatè, se Jezi Sovèm.
