1
Mèt, pale, mwen menm map koute;
Map tann pawòl nan bouch ou.
Vwa ou ki fè mwen si kontan
Kèm swaf tande li toujou.
Mape koute ou, Seyè,
Kisa ou gen pou di mwen.
2
Mèt, rele mwen, site non mwen;
Dim se ak mwen wap pale.
Pou mwen kapab swiv ou pi byen;
Pou mwen mache san tranble.
Pale! Ou se Bon Bèje.
Mwen se mouton ou rachte.
3
Koute mwen avan mwen ale,
Mwen tankou yon moun pèdi
Mèt, pale! Se ou ki konnen
Tout bagay kè mwen anvi,
Tout sa nanm mwen bezwen vre;
Vini pale nan kè mwen.
4
Mèt, pale, e fè mwen pare
Lèm tande byen sa ou di,
San mize e ak kè kontan
Poum fè tout sa ou te di.
Mape koute ou, Mèt mwen;
Pale, Mèt, pale ak mwen.
