1
Pandanm vin jwenn Jezi
M wè nanpwen chaj ankò
Paske Jezi wete yo, li ban mwen tout libète
M te gen gad poum peye
Libera poum te chante
E anpil lòt bagay poum te kapab sove.
Kè
Men Jezi di mwen non,
Se pa sa pou mwen fè;
Se pou mwen kwè nan Bondye
Pou mwen kapab sove
Nanpwen anyen sou latè
Ki ka sove pèsòn
Nan tout bagay se poun
Rele Bondye
2
Mwen te desann Sentiv
Mwen tale pran devosyon
Chaplè mwen te nan menm
Meday sen an te nan koum
Etanm tap byen mennen
Men dife te pran sou mwen
Si se pat levanjil
Depi lè a m tap mouri.
3
M tale Bakonwa,
M tale konsilte ougan
Lèm rive Bakonwa
Li monte yon chat nwa ban mwen
Lèm rive Pòtoprens
Men chat la vle devorem
Granmesi levanjil
Ki te ban mwen lavi.
4
Mwen tale Sentandre
Mwen tale mandel maryaj
Lèm rive Sentandre
Yo reponn mwen poum marye
Mwen te marye samdi
Nan lendi mwen divòse
Yo te banm yon maryaj
Yo pa te banm Jezikri.
5
Mwen tale Vilbonè
Mwen tale chache bonè
Lèm rive Mòn Kabrit
Kamyon chavire avèm
Se te men Letènèl
Ki sovem ki delivrem
Granmesi Levanjil
Ki te ban mwen lavi.
