1
Anfen mwen livre volontem si rebèl
Mwen vle pou ou, Sovèm, pou ou menm sèl
Kounye a mwen vle di nan priyèm:
Senyè, fè volonte ou nan kèm.
Kè
Volonte Bondye dous;
Se li menm mwen kontan swiv;
Senyè, volonte ou agreyab;
Fèm pi konprann li chak jou;
Fèm konnen jan poum swiv ou;
Volonte ou dous, li si emab.
2
Mwen te fini, bouke viv anba peche;
Chemen satan fènwa, rèd e glise
Men yon bèl limyè klere wout la
Lèm te jwenn ak Jezi pre lakwa.
3
O volonte ou dous; ladann map rete;
Ou sèl konnen chemen mwen dwe pase
Tout dezòd regle, lapè ranplim;
Kon yon ti zwazo, nanm mwen vin lib.
4
Nanm mwen kache nan ou, Senyè, pou tout tan
Pye mwen pa pou swiv ankò tras satan.
Ki pisans ki ka egare mwen
Lèm rete nan volonte Bondye?
