1
Sonje byen zanmi nan lavi
Yon tan pou chak bagay
Pa gen pwofesi ki va akonpli avan lèl
Pa janm twò prese
Twò prese pa fè nou rive vit
Ale pi dousman kanmenm
Ou genyen pou rive.
Kè
Yon tan pou plante,
Yon tan pou nou rekòlte;
Yon tan pou kriye,
Yon tan pou nou konsole, zanmi mwen
Ou mèt asire kanmenm sa gen poul fini.
Pwofite tan sa a, chanje lavi nou
Pwofite tan sa a, ranje lavi nou
Kite enkredilite, tout malis kache
Kite idolatri, ann chache ranje lavi nou
Pwofite tan sa a, kanmenm sa gen poul rive.
2
Konnen nan tan sa a
Byenneme yon moun dwe gen pasyans
Siw pa gen pasyans
Ou pa kapab sèvi Bondye
Lè pouw delivre byenneme fòk ou genyen pasyans
Se poun tann Bondye
Byenneme poun ka delivre.
3
Lè nou gen pwoblèm
Byenneme nou pap dekouraje
Nou mèt asire Bondye
Genyen yon plan pou ou
Li fè nou pwomès, byenneme,
Nou ka envoke li
Joun va delivre, aprè sa nou va ba li glwa.
