1
Glwa pou Bondye ki nan syèl la
Glwa pou Bondye sou latè tou.
Glwa pou li maten, midi, swa
Glwa pou Bondye nou toupatou.
2
Mèsi Bondye pou solèy la
Kap klere nou, kap chofe nou.
Mèsi Bondye pou lapli a
Ou bay pou wouze jaden nou.
3
Mèsi Bondye pou fanmi nou;
Pou manman, papa, pitit tou;
Mèsi pou tout frè, sè nou yo,
Ki renmen nou, sipòte nou.
4
Mèsi Bondye pou zanmi nou,
Mèsi pou tout frè levanjil;
Pou sè nou yo nan legliz ou,
Nou tout se yonn nan Jezikri.
5
Mèsi Bondye pou lanmou ou
Mèsi Bondye, pou Jezikri.
Mèsi anpil pou Sentespri
Kap gide nou, konsole nou.
6
O! Padone tout peche nou;
Netwaye tout anndan kè nou.
Ban nou gras ou jou apre jou
Poun kapab fè volonte ou.
7
Beni Bondye ki renmen nou
Beni li, tout moun toupatou
Ak zanj nan syèl yo ann beni.
Papa, Pitit e Sentespri.
