1
Jezi pa lwen pou li vini
Sa wap tann pou ou prepare
Eske Jezi pa te di ou
Lap vini tankou yon vòlè
Siw te konnen lè lap vini
Ou ta lonje pyew jan ou vle
Apre sa nou ta prepare
Poun tann Jezi.
Kè
Puiske nou pa konnen ki lè
Bon Sovè a pral retounen (2 fwa)
Annou jete tout vye peche
Annou lage tout vye plezi
Annou priye, annou veye
Kris pral vini.
2
Yon nasyon va kont yon nasyon
Yon wayòm va kont yon wayòm
Menm legliz va kont lòt legliz
Manman, papa va kont pitit
Lè na wè tout bagay sa yo
Konnen Jezi prèt pou vini
Annou priye, annou veye
Kris pral vini.
3
Yo va di men li nan mòn nan
Yo va di menl nan vale a
Yo va di men li nan zòn Nò
Yo va di men li nan zòn Sid
Menm si yo fè zetwal desann
Menm si yo fè dife sot nan syèl
Pa fè ni adwat ni agoch
Ann rete fèm.
