1
Senyè kondui mwen chak jou
Kote ou vle pou male;
Fèm konnen volonte ou,
Montre mwen sam gen pou fè.
2
Ban mwen kouraj nan danje,
Montrem chache sekou ou,
Fèm konn ou kapab sove,
Kenbe mwen nan lanmou ou.
3
Lè mwen tante pou fè mal,
Fè mwen rete fò e fèm,
E lè mwen kanpe tousèl,
Avèk men ou pwotejem.
4
Lè kè mwen ranpli ak jwa,
Ede mwen poum sonje ou.
Sa ki fè mwen pi kontan
Se lanmou ou gen pou mwen.
5
Lè travay mwen sanble di
Edem gen pèseverans.
Nan soufrans, nan maladi
Banm kouraj avèk pasyans.
6
Edem fè tou sa ki bon,
Kòm pitit ou sou latè.
Lè lavi mwen va fini,
Kite mal nan syèl ak ou.
