1
Kòm Bib la menm te di
Nap viv nan dènye tan an;
Antekris yo deja toupatou nan lemonn
Ou menm ki te avèti, kenbe Bib ou fò
Lè a deja rive, Sovè a pral parèt.
Kè
Ou menm pechè, vin jwenn Jezi
Fè yon retou nan Jezikri;
Li si fidèl, la sove ou.
2
Matye 24 pale: lagè gen pou rive
Avèk tout katastwòf ki va rive toupatou.
Vrèman se sa nou wè, sou latè pa gen pè
Se lagè ak soufrans, traka ak lanmò.
3
Patou sou latè sa a pa gen senserite
Se manti ak kout lang; krim, adiltè, lanmò
Bib la te di tou sa; e yape fèt chak jou
Bondye wete lapè ki te nan lemonn.
4
Gen anpil jèn gason avèk anpil jèn fi
Yap pwofite tan an, yap rejwi nan peche
Si yo te gen bon sans, yo ta vin jwenn Jezi
Pa gen anyen k serye nan vi sou tè sa a.
