1

Mwen se sòlda Jezi (2 fwa)

Menm si mwen pa abiye an kaki

Pote yon revòlvè

Tire fizi anlè

Menm si mwen pa gouvène bato a

Mwen se sòlda Jezi.

The post 28 GAK – Mwen se sòlda Jezi appeared first on Haitianview.

1

Mwen mache nan yon vye chemen,

Mwen pa janm jwenn sekou

Fado mwen dekouraje mwen

Li sanble tèlman lou,

Mwen plenyen, mwen di Jezi:

Moun yo pa gen lanmou

Epi li reponn mwen

Ak vwal si dous:

Mwen te bouke, mwen menm tou,

Lèm mache sou Kalvè,

Kwa mwen te vin tèlman lou

Menm tonbe m te tonbe

Kretyen, se pou ou fidèl,

Repo ou pa twò lwen,

Pran kwa ou non,

E mache avèk mwen.

2

Souvan mwen konn vante tèt mwen,

Mwen dim fè gwo travay,

E poum mache nan chemen an

Mwen fè gran sakrifis.

M abandone anpil bagay

Poum vini disip Kris.

Epi li reponn mwen

Ak vwal byen tris:

Mwen kite bèl laglwa mwen,

Mwen fè sa ak lajwa,

Lemonn pa resevwa mwen,

Yo klourem sou yon kwa.

Ou menm kap fè chemen an

Ak men ou nan men mwen,

Pran kwa ou non,

E mache avèk mwen.

3

Kounyè a, Jezi, m vle swiv ou

Avèk imilite,

Menm sim ta dwe mouri pou ou

Sa pa tap fèm peye

Tout lanmou san mezi ou

Lanmò ou te montrem

Ak vwal byen dous

Li reponn, li mandem:

Si se sèlman yon vè dlo

Mwen vle ou bay pou mwen,

Oubyen, pote gwo fado

Ki peze jouk lafen,

Menm si mwen vle ou soufri

E menm mouri pou mwen

Jezi, ma pran kwa mwen,

Ma fèl pou ou.

The post 27 GAK – Mwen mache nan yon vye chemen appeared first on Haitianview.

1

Mennen mwen o bon Sovè!

Konduim nan chemen sali.

Avèk ou m pa bezwen pè.

Nan ou sèl mwen jwenn lavi.

Kè

Jezi, Jezi, pa kitem, o bon Sovè!

Fèm soti nan tantasyon.

Senyè fèm gen laviktwa.

2

Jezi pa kitem isi

Sou tè sa a ki plen doulè.

San ou nanpwen lòt zanmi,

Men nan ou mwen jwenn bonè.

3

Ou te levem nan labou

Kote k te plen mechanste.

Wa fèm rive nan syèl tou.

Se laglwa ou ma chante.

The post 26 GAK – Mennen mwen o bon Sovè appeared first on Haitianview.

1

Byen pre pa lakay

Menm siw wèw prèske rive

Byen pre pa lakay

Menm siw wè vil la devan ou

Byen pre pa lakay

Menm si pwoblèm yo rezoud

Byen pre pa lakay

Ou pa bezwen triyonfe.

2

Gen kèk gwo kretyen

Ki la lontan nan legliz

Yo tèlman ansyen

Yo kwè yo konn tout bagay

Yo chita chita yo, yo pa janm fè pwogrè

Lè moun egzòte yo,

Yo di se ansyen yo ye.

3

Gen kèk gwo kretyen

Ki gen senkantan legliz

Yo nan tout pwogram,

Kote misyon ye yo la

Lè yo vin legliz yo toujou pran plas devan

Men si yon frè pile yo,

Yo fache pou yo mouri.

4

Gen kèk gwo levit ki vin tou cho nan legliz

Yo zanmi pastè, yo zanmi predikatè

Yo bay gwo lajan yo nan tout aktivite

Men yo pa janm chanje

Paske yo pa janm sove.

5

Sonje lè Moyiz te fin delivre pèp la

Li tape mache men nan men ak Letènèl

Li rive sou wout li pat obeyi Bondye

Moyiz wè Kanaan men li pat antre ladanl.

6

Gen anpil kretyen

Ki ranpli avèk lògèy

Yo toujou panse

Yo pi bon pase tout moun

Lè yo jwenn ak ou

Yo prèske pa ka salyew

Men devan Letènèl

Tout kretyen gen menm valè.

The post 25 GAK – Byen pre pa lakay appeared first on Haitianview.

1

Jezi, Jezi, Jezi ki renmen mwen

Li vin sou latè, li ban mwen lavi

Li mouri pou mwen e mwen sove

Jezi resisite mò e li te geri malad yo

Li chase demon li fè avèg yo wè

Li te geri lepre yo e menm paralitik yo

Jezi bon Sovè a te fè anpil mirak.

Kè

O mwen renmen li map adore li

Map chante pou li, se mèvèye.

2

Men yo te aretel yo te mennenl tribinal

Yo te fè anpil riz pou yo te pranl nan pyèj

Jezi pa te koupab men yo te kondane li

Yo te krisifye li, li resisite

Kounyè a li vivan map chante pou li

O wi mwen kontan li ban mwen lavi.

Kè

Li mouri pou nou tout, li ban nou lavi

Nou gen rekonesans, nap chante pou li

Jezi, Jezi

Si se pou Jezi nou ap chante

E si se nan Jezi nou mèt danse

Jezi, Jezi.

3

Li te mouri pou mwen, li te mouri pou ou

Sak fè li fè tout sa? paske li renmen nou

Li ale nan syèl la, lap retounen ankò

Pou li ka vin chache sa ki fè volontel

Li fè nou pwomès, sa se verite

Nou pa ka rete sann pa chante pou Jezi.

The post 24 GAK – Jezi, Jezi, Jezi ki renmen mwen appeared first on Haitianview.

1

Kretyen an nou pale de Jezi

Se yon non nou pape janm bliye

Se li ki te vin sove lemonn

Epi li konn fè anpil mirak.

Kè

Jezi se Wa, wi Jezi se Wa,

Jezi se Wa, Jezi se Wa tout wa.

2

Jezi monte nan Jerizalèm

Yon bann moun te vle poul vini wa

E lè li rantre andedan tanp la

Li chase moun ki tap fè komès yo.

3

Jezi monte nan Jetsemane

Yon bann sòlda te vin aretel

Tout disip li yo vire kite li

Pyè di li pa konnen nonm sila a.

4

Eske nou menm nou pa pou Jezi?

Si nou dakò poun soufri pou li

Se nou menm yo va pi meprize

Si yon jou nou pral rejwi avèl li.

The post 23 GAK – Kretyen an nou pale de Jezi appeared first on Haitianview.

1

Jezi Sovè mwen, map di ou mèsi

Dèske ou rachtem, ou pat kitem peri

Nan pechem yo, mèsi papa

Pa kitem tonbe, pa kite ènmi yo

Triyonfe sou mwen.

2

Ou jistifye mwen, avèk pwòp san ou

Ou metem apa poum fè louwanj ou

O Bondye mwen konfyem nan ou

Pa kitem tonbe, pa kite ènmi yo

Triyonfe sou mwen.

3

Mwen konfyem nan ou,

O bon Sovè mwen

Pran mwen nan men ou

Poum ka fè wout la

O Bondye mwen konfyem nan ou

Pa kitem tonbe, pa kite ènmi yo

Triyonfe sou mwen.

The post 22 GAK – Jezi Sovè mwen map di ou mèsi appeared first on Haitianview.

1

Mwen tande Sovèm kap relem (3 fwa)

Li dim pechè, pechè vin swiv mwen.

2

Map swiv li jouk nan jaden an (3 fwa)

Mwen vle swiv li, swiv li nèt ale.

3

Map swiv li jouk devan Pilat (3 fwa)

Mwen vle swiv li, swiv li nèt ale.

4

Map swiv li jouk mòn Gòlgota (3 fwa)

Mwen vle swiv li, swiv li nèt ale.

5

Map swiv li jouk nan tonbo a (3 fwa)

Mwen vle swiv li, swiv li nèt ale.

6

Map swiv li jouk nan laglwa li (3 fwa)

Mwen vle swiv li, swiv li nèt ale.

The post 21 GAK – Mwen tande Sovèm kap relem appeared first on Haitianview.

1

Mwen vle chante pou Jezi

Mwen vle pale de sa Jezi fè pou mwen

Mwen pap sispann bali glwa

Mwen pap sispann temwanye,

Jistan li pran vi mwen.

Kè

Se nan fatra Kris te ranmasem

Anba peche, li te soulajem

Se nan fatra Kris te ranmasem

Anba peche, li te delivrem.

2

Ou menm zanmi kap koute

Eske ou pa wè li ta bon, pou chante pou Jezi?

Nan Jezikri se lajwa, nan Jezikri se lapè

Poutèt sa map chante.

3

Lèm va monte anwo a

Pou mal rankontre Jezi, èske ou va la tou?

Ebyen map envite nou poun aksepte Jezi

Na gen lajwa, lavi.

The post 20 GAK – Mwen vle chante pou Jezi appeared first on Haitianview.

1

Te gen yon fanm ki te fè douzan malad

Li tap plede bay san tout lajounen

Depi douzan, ni lannwit ni lajounen

Malerèz la depanse tout sal genyen

Apante tout kay doktè

Mache lakay gangan pou granmesi

Tout moun tap di pat gen espwa

Fanm sa a se jou li tap konte poul mouri.

2

Pandan Jezi ta pral kay Jayiris la

Ak yon pakèt moun ki tap avanse

Fanm nan presel kouri antre nan foul la

Kon yon koulèv li tap fofile

Foul la anpil li te fòsel avanse

Pyès moun pat konn sal te vle

Li fè anpil efò jouk tan li rive

Fanm nan kanpe, li te touche wòb Jezi

Li te jwenn yon pisans nan wòb la.

Kè

Ala yon pisans ki gen nan wòb Jezi a!

Fanm nan te aji fwa li

Sèlman li touche wòb la

Epil te jwenn gerizon

Gen yon bagay Senyè a te di fanm nan

Sa se yon leson li vle pou n pratike

Avèk lafwa nou va jwenn tout sa nou vle

Men fòk nou met konfyans nou nan Jezi.

3

Menm jodi a pandan nou nan legliz la

Jezi gen lòt mirak poul opere

Moun kap priye, ou mèt kontinye priye

Gen anpil miray ki pral kraze

Pèsevere, pa dekouraje frèm yo

Kenbe lafwa tout sèm yo

Talè konsa nou prale delivre

Tout moun ki vle

Kapab goute pisans lan

Si yo vle met konfyans yo nan Jezi.

The post 19 GAK – Te gen yon fanm ki te fè douzan malad appeared first on Haitianview.