1
Ou bezwen konnen
Kòman Jezi te sove mwen?
Li te vin wetem nan monn egare
Mwen te gen lajan,
Men mwen pat genyen yon bi;
Sete plezi, manje,
Byen bwè e mouri.
Jezi nan lanmou li,
Te ban mwen apèl sa a:
Vin jwenn mwen,
Moun ki fatige e chaje;
Ma va soulaje ou,
Ma va pwoteje ou.
Pou tout pwoblèm ou
Mwen genyen vrè solisyon;
Ou va gen lavi, jwa
Lapè pou tout tan,
Ou va gen espwa lavi etènel.
2
Mwen kite satan
Pou mwen vin aksepte Jezi;
E depi lè sa a tout lavim te chanje
Tout tristès mwen te ale
Lajwa te ranplim.
Lajanm kounyè a,
Mwen pap pote li bay ongan;
Map chita manje li
Avèk fanmi mwen.
Lajanm kounyè a,
Se pou travay Bondye;
Li pran sousi mwen,
Gade kijanm viv byennere.
Pwoblèm pa twoublem
Mwen vin san pwoblèm
Paskem gen Jezi.
Jezi vini, li ban mwen lavi. (2 fwa)
