1
Pouki moun palè kristal sa a?
Se pou mwen ak Jezikri,
Pouki moun fotèy annò yo?
Se pou mwen ak rachte yo.
Refren
Se yon bèl palè kristal
Avèk anpil chèz annò
Pou tout moun ki vle ale
Avèk Senyè Jezi.
2
Jerizalèm nan bèl anpil,
Li pi bèl pase dyaman.
Li sòti kote Bondye menm
E li gen tout glwa Bondye.
3
Pa bezwen solèy ak lalin
Pou klere nou jou e nwit
Men laglwa Bondye va briye
Ekla li va yon flanbo.
4
Pap gen krent, doulè, ak touman;
Ni lanmò, ni maladi.
Medizans, koutlang va fini,
Se lajwa, lanmou san fen.
5
Ala yon bèl jou sa va ye
Lè twonpèt la va sonnen.
Pou tout mò an Kris yo leve;
Pou yal rankontre Jezi.
