1
Lè nou nan lamizè,
Akable, toumante,
Lè lavi nou boulvèse;
Lè nou pèdi espwa;
Lè tout bagay fènwa,
Lè nou pa wè devan,
Lè tristès nan kè nou,
Lè nou nan lafliksyon
Lè nou vle dekouraje
Leve je nou anlè,
Epi gade Jezi
Na santi nou pi fò.
Refren
Jezi! Jezi!
Tanpri ban nou fòs
Pou nou lite.
Jezi! Jezi!
Si ou pa kenbe n
Nou va tonbe.
2
Pafwa se tantasyon
Chak fwa nou vle fè byen,
Men se mal ki prezante,
Nou gen bòn volonte,
Men twòp difikilte
Fè nou pèdi lafwa
Pafwa se maladi,
Gen de lè se lanmò,
Elas! nou dezespere,
Si nou priye Jezi
Wi se nan li menm sèl
Nou gen konsolasyon.
3
Sa vre nou vle travay,
E mache pou glwa li
Men nou manke fòs, kouraj
Lè eprèv yo vini,
Gen kote nou febli,
Malgre kalamite,
Malgre difikilte;
Annou pa ebranle,
Annou priye Jezi,
Paske se li menm sèl
Ki ka ban nou lajwa.
