1
Pouki moun palè kristal sa a
Se pou mwen ak Jezikri,
Pouki moun fotèy annò yo?
Se pou mwen ak rachte yo.
Refren
Se yon bèl palè kristal
Avèk anpil chèz annò
Pou tout moun ki vle ale
Avèk Senyè Jezi.
2
Jerizalèm nan bèl anpil,
Li pi bèl pase dyaman
Li soti kote Bondye menm
E li gen tout glwa Bondye.
3
Pa bezwen solèy ak lalin
Pou klere nou jou e nwit
Men laglwa Bondye va briye
Limyè li va yon flanbo.
4
Pap gen krent, doulè ak touman
Ni lanmò, ni maladi
Medizans, koutlang va fini
Se lajwa, lanmou san fen.
5
Ala yon bèl jou sa va ye,
Lè twonpèt la va sonnen
Pou tout mò nan Kris yo leve
Pou yal rankontre Jezi.
