1
Wa Nebikanetza fè yo leve yon estati;
Li di yon moun ki pa vle adore estati sa a
Se pou yo mare pyel pou yo lage yo nan fou a
Te gen twa jèn gason ki te refize obeyi.
Refren
Yo te genyen konfyans (3 fwa)
Nan Bondye yo tap sèvi a
Tèlman yo te fidèl
Pa menm cheve yo pat boule.
2
Twa jèn sa yo se te: Chadrak, Mechak, Abèdnego,
Twa jèn sa yo te devwe pou yo sèvi Letènèl;
Tèlman yo te fidèl, yo pa te vle sèvi satan.
Wa a te fè mare yo e lage yo nan dife a.
3
Lè wa a sonje twa jèn sa yo ki te nan dife a
Li voye al gade, men yo vin dil yo wè kat moun
Katriyèm nan se te zanj Bondye ki te pami yo,
Yo tap mache nan fou a,
Yo tap louwe non Bondye.
