1
Jezi, ou se mèt mwen, Sovè mwen
Ban mwen kouraj pou mwen kapab lite;
Chemen an nwa epi li glise
Kòman pou mwen fè si ou pa edem.
Kè
Si ou pa te la, sa mwen tap fè?
Lèm santi mwen tris e dekouraje,
Lè tout bagay parèt nwa pou mwen
Ou toujou la pou konsolem.
2
Senyè kenbe mwen nan gras ou
Pou mwen pa tonbe nan vye peche
Nan ou mwen jwenn lajwa, m jwenn bonè
Lavi etènèl mwen pat ka achte.
3
Kisa ki ka separem ak ou?
Eske se pwoblèm, se touman, se richès?
Mwen baw kèm, nanm mwen, tout vi mwen
Mwen vle viv pou ou sèl e pou ou toujou.
