1
Jezi m konnen byen sa ou fè pou mwen
Kòman poum ta fè tounen nan lemonn
Lemonn pa gen anyen poul ban mwen,
Mwen pap tounen ankò
Mwen gen yon kado
Lemonn pa ka ban mwen
Jezi ban mwen lavi etènèl
Menm sim pa gen anyen poum ba li
Fòk mwen chante pou li.
Kè
Mwen pap fè yon pa (3 fwa)
E mwen konnen saw fè pou mwen,
Mwen pap fè yon pa,
Ou vin retirem nan peche
Mwen pap fè yon pa
Yo mèt banm lajan m pa prale
Mwen pap fè yon pa.
2
Pou tout sa Jezikri te fè pou mwen,
Mwen vle louwe non li
Map di glwa, onè li sèl merite,
Patou kotem pase.
Jezikri soufri sou lakwa pou nou
Poul te ka mete nou an libète
Nou te esklav nan men satan
Jezi delivre nou.
