1
Mwen sonje yon jou, mwen te san espwa
Kèm tap boulvèse ak pwoblèm lavi
Pandanm tap panse dlo kouri nan jem
O! Ala soufrans lèw pa gen Jezi.
2
Mwen kouri agoch, mwen kouri adwat
Nan mache prese, machin manke frapem
Tout kotem pase pòt bloke pou mwen
O! Ala soufrans lèw pa gen Jezi.
3
Madanm vin malad, mwen pa nan travay
Doktè egzijem poum ba li lajan
Sim pa debouyem madanm ap mouri
O! Ala soufrans lèw pa gen Jezi.
4
Mwen leve yon jou
Mwen chita sou yon wòch
Yon madanm pase
Li mandem sam genyen
Mwen metel chita poum rakonte li
O! Ala soufrans lèw pa gen Jezi.
5
Depim vin jwenn Kris madanm pa malad
Pi gwo maladi se ti lafyèv, grip
Si gen moun nan sal lak poko gen Jezi
Kèm fèm mal pou ou chache gen Jezi.
