1
Se sou mòn Gòlgota,
Yo te plante yon kwa,
Kote brigan te gen pou mouri.
Men se sou menm kwa sa a,
Kris te mouri pou mwen,
Poum kapab pataje tout glwa li.
Kè
Yo te klouwe Jezi sou lakwa;
E se la li te mouri pou mwen.
Mape viv pou glwa li sou tè sa a
E yon jou ma va wè li nan syèl.
2
Pou tout sak te rive,
Sou lakwa nan jou sa a,
Mwen va toujou gen rekonesans;
Paske sa Jezi fè,
Li te fèl nan plas mwen,
Pou ban mwen lavi annabondans.
3
Kòm yo touye Jezi,
Ki se pitit Bondye,
Yo pa vle wè kretyen yo nonplis.
Men mwen pito swiv Li
Nan tout sa kap rive,
Pase tout sam ta jwenn sou tè sa a.
