1
Mwen genyen yon bagay
Ki fè kè mwen kontan,
Anpil moun etone
Pou wè kòmanm kontan,
E map toujou kontan
Espwam pa sou tè sa a,
Daprè pwomès Bondye
Menm si mwen te grangou,
Pat gen kay poum rete
Map ret tann gran jou sa.
Kè
Pap gen pale fransè, konesans pral fini
Richès pral disparèt, Kris ap vini
Pap genyen gwo mesye,
Pap genyen gwo madanm
Nou tout va menm bagay
Lè jezi va vini
Li pap vini chache savan ak zotobre
Sèlman li va bezwen sa ki fè volontel
Yo va men nan la men (bis)
2
Anpil moun konvèti,
Yo pap chache Bondye
Yape priye sèlman pou kay avèk oto
(Pou kay avèk oto. Se bagay kap pase)
Yo pa priye Bondye
Pou padon peche yo.
Fòk nou fè atansyon
Paske kay ak oto
Pap monte gran jou sa a.
3
Ou kwè pou wal legliz,
Fòk ou byen abiye
Sak pa gen poul mete
Pa dwe chita kotew
(Pa dwe chita kotew, kèw ranpli ak ògèy)
Sonje sa Kris te di avèk gran Nikodèm:
Siw ta vle gen lavi, fòk ou ne de nouvo
E wa wè wayòm sa a.
4
Lasyans ape travay
Malgre sa se anven
Sak konn fè mechanste
Ap vini pi mechan
(Ap vini pi mechan, lòm pa kap bay lavi)
Lòm pa ka chanje lòm
Sèlman san Jezikri
Menm si ou te lougawou
Ou te konn touye moun
Jezi kapab chanjew.
