1
San Jezi mwen pa kapab viv
Mwen pa ka fè yon sèl pa;
Se li menm sèl mwen ta vle swiv.
Map swiv li jouk sa kaba.
Kè
Anyen mwen pa gen poum krenn
Puiske Sovèm ap veyem;
Map swiv li san mwen pa plenyen
Li pap kite mwen neye.
2
Amou li avèk pwomès li
Ranpli kèm ak yon gran jwa;
Mwen mèt tou fèb, mwen mèt kagou,
M sèten lap banm laviktwa.
3
Lè fènwa vin pou fèm tranble,
Avèk li mwen brav anpil;
Lè vwa satan ape gwonde
Mwen rete dousman, trankil.
4
Jezi, wete tout sak pa pwòp
Nan kè mwen, pou mwen mache;
Pirifye mwen, lavem, fèm pwòp
Jan Bondye vle pou mwen ye.
