1
Mwen reve mwen tande twonpèt yo
Ki anonse gran jou jijman an
Mwen reve nasyon yo rasanble
Pou yo jije devan twòn blan
Yon zanj tou klere kite twòn nan
Li kanpe sou latè ak lanmè
Li sèmante ak men dwat sou syèl la
Wi, tan an pral sispann egziste.
Kè
Ala moun pral kriye, rele
Lè koupab yo tande santans la
Yo rele pou montay yo kache yo
Yo kriye men se te twò ta. (bis, 2 liy)
2
Nonm rich la de men vid te parèt
Tout lajanl gentan disparèt
Li pat ka potel nan jijman li
Pou akite yon si gran dèt
Grannèg te la men enpòtans li
Pat konte lè lanmò mele
Lè zanj la egzamine achiv li
Non grannèg la pat janm mansyone.
3
Vèv yo te la ak òfelen yo
Bondye tande lè yo kriye
Pap janm genyen tristès nan syèl la
Tout dlo nan je va fin siye
Tafyatè te la ak banbochè yo
Avèk tout moun ki tap vann tafya
Wangatè, vòlè ak adiltè yo
Tout ansanm te desann nan lanfè.
4
Mesye moral rive nan jijman
Men bon zèv moral li pat sifi
Sa yo ki te krisifye Jezi
Te pase pou moun moral tou
Epi sa yo ki te konn ap di:
Pita na gen tan sove wi
Se pako lè pou nou pran Jezi.
Poutan, yo jwenn tan pou mouri!
