1
Byenneme, leve tèt nou
Ann gade ki lè li ye
Se pa lè pou nap domi, reveye nou
Tan an mande poun sispann jwe
Paske lè a avanse
Si nou rete nan somèy nou
Nou va byen wont jou sa a.
Kè
Ann mete an pratik mesaj dènye tan sa
Poun nou chache sanktifikasyon
Si nou rete fidèl
Si n pote laviktwa
Nou asire yon jou na wè Jezi.
2
Nou se yon pèp yo meprize
Moun lèzòm abandone
Men sa pa fè nou anyen, nou gen espwa
Jezi te fè nou konn sa
Pinga nou pè, ti mouton mwen yo
Se tout plezi papa nou
Poul ban nou wayòm sa a.
3
Ala yon gran jou sa va ye
Lè twonpèt la va sone
Pou tout mò nan Jezi yo leve
Pou yal rankontre li
Va gen kriye, va gen rele
Pou sa yo ki pat prepare
O bon papa, genyen pitye
Pou pitit ou yo non.
