1
Yon jou nou te konvèti,
Ala yon bèl jou sa;
Jezi te padone nou,
Li te ban nou lafwa,
Nou te di: map swiv
Jezi pou letènite
Eske nou toujou fidèl?
Eske nou kretyen vre?
Refren
O, nou pa kapab preche lemonn
Si nou gen peche
Se poutèt sa nap mande Bondye
Pou yon revèy
Fidèl yo, misyonè yo,
Pastè yo, se vre,
Na wè pisans Seyè a
Lè nou gen yon revèy.
2
Nou gen tan pou nou travay
Nou gen tan pou nou jwe;
Poukisa li si difisil
Poun jwenn tan poun priye
Papa nou vle beni nou;
Bib la di konsa:
Mande, chache, e frape,
E ou va resevwa.
3
Si ou santi kè ou refwadi,
Siw dekouraje,
Kounyè a se tan favorab
Pou ou rechofe,
Konfese peche sa a ki fè ou tonbe
Jezi va padone ou
E ou va gen lajwa.
4
Gen yon peche tankou pwazon
Li trè danjere,
Li ka touye legliz si nou kitel antre
Tripotay, se peche sal
Fòk nou fèl sispann
Lè nou sispann eskandal
Pisans la va desann.
5
Nou batize, nou manm legliz
Nou santi nou bon,
Men malgre sa nou manke anpil benediksyon
Louvri Bib la nan Malachi chapit twa
Se poun peye ladim.
Se Bondye ki mande sa.
6
Tout moun bezwen yon revèy;
Nou tout bezwen vin sen
Paske yon jou Jezi va parèt
Ak zanj li yo,
Fòk wòb nou pi e san tach,
Fòk nou sanktifye;
Nou tout rete fidèl,
Jouktan jou sa a va rive.
