1
Mwen vle swiv Jezi jouk lafen
Se li ki Senyè mwen!
Ma va pèsevere nan li;
Sa, se lidem pou tout lavi;
Lòt moun ka fè sa yo vle.
Mwen deside poum genyen lapè
Mwen va mache avèk Jezikri,
Ma chache fè volonte li.
2
Mwen konnenm kapab gen feblès,
Lèm devan gran detrès.
Men Jezi fè pwomès poul ede
Moun ki gen lafwa nan li.
Jezi kenbem ak de men.
Nan gras li yon pechè ka vin sen.
Tout konfyans mwen, se nan Jezi
Konsa ma swiv li jouk lafen.
3
Tout moun ki vle swiv Jezikri
Dwe konnen yap soufri.
Satan ka byen vle tante yo
Pou fè yo swiv move chemen.
Men se Jezikri ki mèt,
Li te gen viktwa, li genyenl nèt.
Ma va mache avèk Jezikri,
Ma chache fè volonte li.
