1
Genyen yon bon papa
Ki ka fè nenpòt mirak
Li konn geri malad
Li konnen sove nanm yo
Li konn chase tristès
E li resisite mò
Li padone peche
Nan pwen mirak li pa fè.
Refren
Wi Jezi Sovè a
Li ka fè tout mirak
Li konn geri malad
Li konnen chase demon
A a! Jezi Sovè a
Konn leve menm moun mouri
Menm tanpèt avèk van
Li genyen pouvwa sou yo.
2
Yon jou li tap mache,
Li rankontre dis lepre
Men lè yo wè Jezi, yo rele:
Pitye pou nou!
Menm lè a kèl touchel,
Li gen konpasyon pou yo
Li geri yo menm lè,
E yo vini pirifye.
3
Yon joul te sou lanmè
Avèk kèk nan disip yo
Yon tanpèt te leve,
Bak la prèt poul chavire
Li leve menl anlè,
Li di van an fè silans
Van an te obeyi li
E lanmè a te kalme.
4
Yon jou yo te mennen ba li
Yon fanm adiltè
Men yo te panse
li ta pral lapide fanm nan
Lè li gade fanm nan
Li genyen pitye pou li
Li dil li mèt ale
Men pa fè peche ankò.
