1
Chemen an pa fasil
Jouk nou rive nan syèl la,
Li genyen pikan e pyèj anpil.
Chemen an pa fasil
Men Jezi mache ak nou
Li rann kè nou toutafè trankil.
Kè
Non, non chemen an pa fasil (2 fwa)
Men Jezi mache ak nou
Li pote fado nou
Gras li fè kè nou rejwi anpil.
2
Chemen an pa fasil,
Genyen eprèv, gen traka
Tout kote nou pase gen danje.
Wout la mèt difisil,
Si Jezi kenbe men nou
Na rete fèm lè pye nou glise.
3
Kò nou konn fatige,
Dekouraje nan wout la
Epi satan konn vin tante nou.
Men nape tann Senyè nou
Kap parèt nan glwa li
Lape pran nou ak li yon bèl jou.
