1
Ala yon mèvèye, mèvèye jou
Jou m pa ka jamè bliye,
Lèm te nan tenèb, pèdi nan labou,
Jezi Sovèm mwen kontre;
Ala yon zanmi ki gen charite,
Li satisfèm ak gras li,
Li pran tristès mwen, li plenm ak lajwa
E li fè tout tenèb mwen pati.
Kè
Syèl la desann, plen nanm mwen ak lajwa,
Lè Sovè mwen te sovem sou lakwa.
Tout pechem padone,
Tenèb mwen tounen limyè,
Syèl la desann, plen nanm mwen ak lajwa
2
Fèt yon lòt fwa ak pisans Lespri Sen,
Li fèm yon pitit Bondye,
Lanmou Kalvè jistifyem, se sèten,
Li banm yon ran bò kotel;
Travay sa a fèt nan yon ti moman
Lèm repanti nan pechem,
Lèm aksepte li e lèm konfese li,
O beni non li, li sovem.
3
Alèkile, esperans mwen genyen
Va dire tout lavi sa a
La fini yon jou, menm tou asire
Map jwenn yon plas nan syèl la.
Tou sa rivem paske yon bèl jou
Mwen te kwè nan Jezikri,
Byenfè ki si bèl ak lavi etènèl
Mwen resevwa tout nan men Li.
