1
Mwen te twouvem yon jou nan yon wout difisil
Mwen tap mande ki kote mwen prale
Mwen tande yon vwa dous
Kap relem vin jwenn li,
Depi lè sa mwen konnenm asire.
Kè
Poum antre Kanaran nan bèl vil selès la
Fòm aksepte soufri avèk lafwa
Nan dezè a m konnen fòk genyen dlo nan je
Map rete fidèl, fòm wè Sovè a.
2
Si gen grangou, lapèn ak mizè tèt chaje
Map leve jem gade bon Sovè a
Mwen desidem tout bon fòk mwen rive laba
Kote mèt mwen pral banm vrè rekonpans.
3
Sa gen lontan depi map soufri sou wout la
Malgre traka mwen kwè mava rive
Mwen tande vwa Jezi
Kap di mwen pran kouraj
Lè ma rive ma bliye tout mizè.
4
Nan dezè a m konnen fòk gen dezolasyon
Fòk gen traka, tristès ak tèt chaje
Men malgre tou m konnen
Map wè vil Kanaran
Kote zanj yo ak Kris pral dim bravo.
5
Zanmi mwen si nou vle poun wè vil Kanaran
Fòn bay Jezi direksyon lavi nou
Pa pè pa krent menm si wout la parèt fènwa
Genyen yon jou tout bagay va fini.
