1
Wout lavi se kon yon chemen,
Ladann gen anpil danje;
Li di anpil, e li fènwa,
Gen labou, li byen glise.
Fòk nou veye nan chak moman,
Si nou vle fè chemen sa a,
Se poun jwenn
Yon moun kondui nou,
Epi swiv li pazapa.
Kè
O Bon Sovè, vin kondui mwen!
Fè mwen rive jouk lòtbò
Kote zanj yo ap chante non ou,
E mwen pap tounen ankò.
2
Nap monte epi nap desann,
Gen falèz agoch, adwat,
Mòn nan rèd, e wout la glise,
Li apik epi etwat.
Fòn bay gid la kenbe men nou,
Si nou vle fè chemen sa a;
Se poun fikse je nou sou Li,
Epi swiv Li pazapa.
3
Gen lòt wout ki laj e ki bèl,
Men yo pa ka fèn rive
Lòtbò mòn nan avèk Jezi,
Kote zanj yo ap chante.
O Jezi, pa kitem tonbe
Ni bwonche nan chemen sa a!
Men kenbem pi pre ou toujou,
Mape swiv ou pazapa.
