Moun ki manke devwa yo

Ki neglije travay chak jou,

Fè menm bagay pou Bondye,

Ya neglije travay syèl la.

Yo separe sak dwe ansanm:

Lavi kretyèn ak dilijans.

2

Kè nou kontan lè Kris ak nou,

Nan travay nou nou mete zèl,

Chak ti travay nou fè pou li,

Se kòmsi se yon sakrifis

Wi, se yon bagay ki byen vre:

Plis nap sèvi, plis nap renmen.

The post 145 CDK – Moun ki manke devwa yo appeared first on Haitianview.

Vini, ann chante

Avèk jwa nan kè nou.

Lè nou genyen jwa,

Bondye nou kontan tou.

2

Se Bondye ki fè

Ti zwazo yo chante.

Se li ki mete

Lajwa nan kè nou tou.

3

Lè gen nyaj nan syèl,

Lè loraj ap gwonde,

Se pou nou sonje

Tout sa gen pou fini.

4

Chante nan chemen

Ann fè kè nou kontan.

Chante jouk lafen,

Tristès pa pou lontan.

The post 144 CDK – Vini, ann chante appeared first on Haitianview.

Men Jezi yo byen dous, yo fè tout moun byen

Beni ti pitit yo, soulaje soufrans,

Lave pye ki bouke, kenbe sa ki fèb,

Men Jezi yo byen dous, yo fè tout moun byen.

2

Pran men mwen yo, Jezi, pou travay ou,

Fè yo fò e byen dous, bon nan sa yo fè.

Fèm gade ou, Jezi, poum vin janti tou.

Jouktan mwen plen lanmou pou fè sèvis ou.

The post 143 CDK – Men Jezi yo byen dous, yo fè tout moun byen appeared first on Haitianview.

Syèl la si bèl, o Etènèl,

Li pale nou sou laglwa ou,

Men gen yon bagay ki pi bèl:

Se lè je nou wè pawòl ou.

2

Bèl solèy la ki bay limyè,

Pèmèt nou wè gran pisans ou,

Men nan Bib la, liv mèvèye,

Nou jwenn jistis ak lagras ou.

3

Solèy, lalin, bèl zetwal tou,

Klere latè, lemonn antye.

Se konsa tou, verite ou,

Se pou tout moun sou latè.

4

Levanjil la, mesaj lagras,

Pap janm kanpe, jouk lè tout moun

Vin jwenn ak Jezi fasafas

Li mouri poul pa pèdi yonn.

5

Bon Jezikri, limyè lemonn,

Klere tout moun ak limyè ou.

Levanjil, sajès pou tout moun,

Menm sak rebèl, menm sa ki dou!

6

Ala bèl bagay ou fè n wè,

Se lè lavi yon moun chanje.

Senyè, chanjem, banm yon bon kè.

Nan pawòl ou, banm kè poze.

The post 142 CDK – Syèl la si bèl, O Etènèl appeared first on Haitianview.

Nanpwen anyen ant nanm mwen e Sovèm

Anyen nan lemonn deprave sa a,

Mwen te renonse ak plezi lachèm,

Jezi pou mwen, pa gen baryè la.

Kè

Nanpwen anyen ant nanm mwen e Sovèm

Pou anpechem wè li fasafas;

Anyen pou detounen favè li anvèm,

Wete tout bòn! Pa gen baryè la.

2

Nanpwen plezi monn sa a ant mwen ak Kris

Kounyè a vis pa atire mwen

Yo pa ka separem ak Sovè mwen

Jezi pou mwen, nanpwen baryè la.

3

Malgre ma gen eprèv ki di petèt,

Malgre lemonn meprize lakwa;

Map tann nan priyè jouk Senyèm parèt,

Se va triyonf, nanpwen baryè la.

The post 141 CDK – Nanpwen anyen ant nanm mwen e Sovèm appeared first on Haitianview.

Toupatou sou latè genyen timoun

Kap chante glwa pou Jezi ak tout kè.

Se li ki bayo fòs ak lajwa tou,

Se li ki Sovè, gid e zanmi toulejou.

2

Gwo lanmè a touche anpil peyi;

Nan tout peyi sa yo anpil timoun

Ap chante glwa pou Jezi, yap louwe

Pou lanmoul ki antoure yo kon gwo lanmè.

The post 140 CDK – Toupatou sou latè genyen timoun appeared first on Haitianview.

Granm maten nan jaden

Zwazo chante, flè yo louvri.

Ki moun kap mache la a?

Se Jezi, Senyè a!

2

Li leve nan lanmò,

Alelouya! Alelouya!

Li se Wa n nan syèl la,

Jezikri, Senyè a.

The post 139 CDK – Granm maten nan jaden appeared first on Haitianview.

Gen yon fwa nan vil David la

Nan yon etab pòv tou ba,

Yon manman kouche pitit li

Nan yon krèch ranje ak pay.

Se te Mari bèl manman sa a,

Ti pitit la se te Jezi.

2

Li te soti jouk nan syèl la,

Li ki Bondye e Senyè,

Li desann jouk nan etab la,

Nan krèch la li te dòmi.

Jezi, Sovè nou, te vini

Fèt sou latè, pòv e janti.

3

E tout tan lè li te piti

Li te koute manman li.

Li renmen gadel e sèvil,

Li te soumèt devan li.

Tout timoun ki vle swiv li

Dwe toujou soumèt e janti.

4

Jezi se modèl timoun yo,

Li te grandi tankou nou;

Li te bezwen moun okipel,

Li te kriye, el souri tou.

Lè nou tris, li soufri ak nou;

Lè nou jwaye, li kontan tou.

The post 138 CDK – Gen yon fwa nan vil David la appeared first on Haitianview.

Gen yon kote mwen ka poze

Se toupre kè Bondye,

Nan kote sa a nanpwen peche,

Se toupre kè Bondye.

Kè

O Jezi, chè Redanmtè,

Ki sot nan kè Bondye,

Ede nou tann prezans ou

Wi toupre kè Bondye.

2

Gen kote pou nou konsole,

Se toupre kè Bondye,

Se la nap jwenn avèk Jezi

Wi toupre kè Bondye.

3

Gen yon kote ki bèl e vre;

Se toupre kè Bondye,

Se la nou jwenn lajwa, lapè

Wi toupre kè Bondye.

The post 137 CDK – Gen yon kote mwen ka poze appeared first on Haitianview.

Mwen santim byen kontan poum sèvi Wa a

Mwen byen kontan, wi byen kontan;

Mwen gen lapè, lajwa pase tout bagay,

Lè map sèvi pi gran Wa a.

Kè

Mape sèvi pi gran Wa a,

Chak talanm li resevwa;

Mwen gen lapè, lajwa, tout bagay

Lèm sèvi pi gran Wa a.

2

Mwen santim byen kontan poum sèvi Wa a

Mwen byen kontan, wi byen kontan;

Malgre solèy, malgre nyaj ma va chante

Lè map sèvi pi gran Wa a.

3

Mwen santim byen kontan poum sèvi Wa a

Mwen byen kontan, wi byen kontan;

Map kite menl dirije mwen pazapa

Lè map sèvi pi gran Wa a.

4

Mwen santim byen kontan poum sèvi Wa a

Mwen byen kontan, wi byen kontan;

Tout sam genyen, pou travay li m kontan bay

Lè map sèvi pi gran Wa a.

The post 136 CDK – Mwen santim byen kontan poum sèvi Wa a appeared first on Haitianview.