1

Mwen te vin jwenn Jezi byen fatige,

Jezi ban mwen repo (2 fwa)

Alèkile kè mwen vini byen ge,

Jezi ban mwen repo.

Kè

Jezi se sèl Sovèm,

Li padone pechem.

Li mete yon chan nan kè mwen

Mwen kontan, Jezi se sèl Sovèm.

Jezi se sèl Sovèm.

2

Fado pechem te twò lou poum pote;

Jezi soulaje mwen (2 fwa)

Mwen ba li tout fadom alèkile;

Jezi soulaje mwen!

3

Jezi wete tout kondanasyon mwen

Li padone pechem (2 fwa)

E kounyè a gen lapè nan kè mwen

Li padone pechem.

4

Vin jwen Jezi,

Vin jwenn li jodi a

La wete peche ou (2 fwa)

La fè ou kontan, Li va sove ou;

La wete peche ou!

The post 80 HCK – Mwen te vin jwenn Jezi byen fatige appeared first on Haitianview.

1

M konfyem nan Bondye tout kote mwen ye

Ni sou latè ni sou lanmè twouble;

Nan tout traka nan lavi sa a

Papam nan syèl la ape veye mwen.

Kè

M konfyem nan li,

Mwen konnen lap pran swen mwen,

Nan dezè a, ou nan move chemen,

Lanmè pousem, Bondye kenbem

Papam nan syèl la ape veye mwen.

2

Li gade flè nan jaden toupatou,

Li pran swen zwazo kap chante pou nou,

Jiska lafen, lap sonje mwen,

Papam nan syèl la ape veye mwen.

3

Wout la ka di, nyaj yo kouvri mwen,

Bèje a gade moutonl jouk lafen.

Apre monn sa a, na wè syèl la,

Papam nan syèl la ape veye mwen.

The post 79 HCK – M konfyem nan Bondye tout kote mwen ye appeared first on Haitianview.

1

Mwen li bèl pwomès Bondye,

Nan Pawòl li

Wi li kapab fè tout bagay,

Nanpwen anyen enposib

Pou li, se vre,

Si nou konfye nan Pawòl li.

Kè

Anyen pa ka enposib,

Lè konfyans nou nan Bondye.

Anyen pa ka enposib,

Lèn konfye nan Pawòl li,

Koute vwa Senyè nou an ankò;

Mete konfyans nou nan Bondye,

E kwè nan Pawòl li,

O anyen, o anyen, o anyen

Pa enposib pou Bondye.

2

Pawòl Bondye di tout bagay posib,

Pwomès yo pou ou, sèlman kwè,

Kwè tout sa li di paske Bondye fidèl,

Tout sa li pwomèt, li va fèl.

3

Pawòl Bondye se yon lank byen asire

Nan mitan tanpèt ak danje.

Menm si nou souvan fayi nan feblès nou

Pawòl Bondye a rete fèm.

The post 78 HCK – Mwen li bèl pwomès Bondye appeared first on Haitianview.

1

Tande mesaj mèvèye,

Chante kantik tout kote,

Koute pawòl Bondye byen,

Jezi va tounen ankò.

Kè

Tounen ankò, tounen ankò,

Jezi va tounen yon jou,

Li va vini pou chache nou;

Tounen ankò, tounen ankò,

Ala yon mèvèye jou sa va ye

Lè Jezi tounen ankò!

2

Menm pyebwa ak flè chante,

Mòn yo ak plenn repete,

Tout syèl ak tè a rele,

Jezi va tounen ankò.

3

Nou va kanpe devan li,

Tout twoub ak pwoblèm fini,

Na pote onè ba li,

Jezi va tounen ankò.

The post 77 HCK – Tande mesaj mèvèye appeared first on Haitianview.

1

Petèt se pa sou yon gwo montay,

Ni nan yon peyi byen lwen;

Petèt se pa nan yon gran batay,

Ou va sèvi avèk mwen;

Men si se vwa pa ou ki pale,

Menm si mwen pa gen anyen,

Map reponn, Bondye,

Ak men ou sou mwen,

Mwen va ale kote ou vle.

Kè

Mwen vle ale kote ou vle, Bondye,

Nan mòn, sou lanmè, nan vale.

Mwen va di sa ou vle mwen di, Bondye,

Mwen va sa ou vle pou mwen ye.

2

Petèt jodi a se pawòl dous

Jezi vle pou mwen pale;

San dout dwe genyen sou wout la tou,

Moun ki pèdi poum chache.

O Bon Sovè mwen, si ou gidem,

E si sou wout la ou kenbem,

Mwen va repete mesaj lavi,

Mwen va di sa ou vle mwen di.

3

Mwen konnen ou kite yon plas

Nan gran rekòt monn sa a,

Kotem ka fè, menm yon ti kras

Pou Jezi krisifye a.

Ma mete konfyans mwen nan ou, Senyèm,

Paske ou te renmen mwen vre;

Ma fè volonte ou, Sovè mwen,

Mwen va sa ou vle pou mwen ye.

The post 76 HCK – Petèt se pa sou yon gwo montay appeared first on Haitianview.

1

Nanm mwen te swaf

Li pat jwenn satisfaksyon,

E plezi lemonn te twonpe nanm mwen,

Men yon bon jou,

Lèm tap chache soulajman;

Jezi te dim: Genyen lavi nan mwen.

Kè

Wi, mwen te jwenn li, bèl sous lavi a,

Grasa Jezi ki te mouri pou mwen,

San li te koule, sou mòn Kalvè a;

E kounyè a li satisfè nanm mwen.

2

Lavim te tris lèm pat ko konnen Jezi,

Pat gen espwa, nanm mwen te boulvèse,

Men gras Bondye te louvri sous lavi a,

M te jwenn ladann padon ak libète.

3

Zanmi mwen yo, O! Pouki sa nou mize

Vin kounyè a, vin jwenn sous lavi sa a,

Fado peche twò lou pou nou sipòte,

Jezi vle ban nou repo jodia.

The post 75 HCK – Nanm mwen te swaf appeared first on Haitianview.

1

Lavi sa a tankou yon gran wout

Li genyen yon pòt tou

Pòt sa a se pòt delivrans lan

Bondye ofri tout moun

Anpil moun pase nan pòt la

Malgre yo te soufri

Pòt sa a louvri laj pou tout moun

Vini pase ladanl.

2

Pòt sa a mennen nan wout etwat

Wout ki mennen nan syèl

Nenpòt moun kapab rive la,

E evite jijman

Malgre wout la ka gen pikan

Sa pa dwe fè nou pè

Se men Jezi ki la chak jou,

Pou soutni mouton pal.

3

Pòt sa a klere, Jezi ouvril

Lèl soufri sou Kalvè

Yo pèse fwonl, yo pèse pyel

Li te soufri pou nou

Pitit Bondye, lèl krisifye

Detui pouvwa lanfè

Se poun di tout moun toupatou

Jezi mouri pou yo.

4

Jezi te leve nan lanmò

Plas li nan syèl, anwo

Koute ki jan li envite

Tout moun vin repanti

Se pou nou tout li te soufri

Sanl koule tankou dlo

Lap tann tout moun ki kwè nan li

Pou ba yo padon li.

The post 74 HCK – Lavi sa a tankou yon gran wout appeared first on Haitianview.

1

Sa fè senk mil ane pase Noye bati lach la

Bondye di: Map voye delij pou detui latè.

Zannimo antre andedan, betizè yo mande

Si Noye panse fè lach sou tè sèk derape.

Ak fanmi li, Noye antre, Bondye fèmen pòt la

Syèl la vin sonm, zeklè pete,

Pasyans Bondye kaba.

Kè

Ala yon lapli! (2 fwa)

Li tonbe pandan karant jou,

San li pa rete ditou, ditou,

Ala yon lapli! (2 fwa)

Men lach la vwayaje toujou;

Ala yon lapli!

2

Moyiz ale sou lòd Bondye

Bay pèp la libète,

Wa Ejip deklare: Mwen pap kite esklav ale

Banboche nan dezè a,

Puiske yo tout parese,

Olye mwen lage yo,

Map fè travay yo redouble.

Moyiz reponn ou pral soufri

Men Moyiz pa te pè

Li kanpe bò rivyè a l leve baton li anlè.

Kè

Ala yon lapli! (2 fwa)

Sotrèl, krapo, mouch, pou, ak grèl

Grengole sou Lejip sot nan syèl.

Ala yon lapli! (2 fwa)

Farawon pat ka sipòtel

Ala yon lapli!

3

Nan tan Eli an Izrayèl lè wa Akab renye,

Sechrès te rèd, twazan edmi

Lapli a pat tonbe,

Akab banboche sou Kamèl, lè Eli tap priye

Sis fwa nanpwen anyen,

Men Eli pat dekouraje,

Byento yon ti nyaj parèt,

Eli te pran kouraj li di Akab:

Ou dwe pare pou yon kokenn lapli.

Kè

Ala yon lapli! (2 fwa)

Syèl la tounwa, dlo a te frèt;

Akab rann kont se pa yon jwèt;

Ala yon lapli! (2 fwa)

Lè li rive li mouye nèt.

Ala yon lapli!

4

Avan Jezi tounen nan syèl kote li te soti

Ak onz apot yo li pwonmennen jouk nan Betani

Li di: Lèm rive nan syèl, ma voye Sentespri a

Donk, rete nan Jerizalèm jouk pisans la vini.

Sanven disip nan chanmòt la tap veye e priye

Yon van sibit sekwe kay la

Benediksyon vide.

Kè

Ala yon lapli! (2 fwa)

Bondye voye Sentespri li

Yo preche chak moun nan lang pa li

Ala yon lapli! (2 fwa)

Mesaj gaye nan tout peyi

Ala yon lapli!

The post 73 HCK – Sa fè senk mil ane pase Noye bati lach la appeared first on Haitianview.

1

Mwen reve mwen tande twonpèt yo

Ki anonse gran jou jijman an

Mwen reve nasyon yo rasanble

Pou yo jije devan twòn blan

Yon zanj tou klere kite twòn nan

Li kanpe sou latè ak lamè

Li sèmante ak men dwat sou syèl la

Wi, tan an pral sispann egziste.

Kè

Ala moun pral kriye, rele

Lè koupab yo tande santans la

Yo rele pou montay yo kache yo

Yo kriye men se te twò ta. (2 fwa, 2 liy)

2

Nonm rich la de men vid te parèt

Tout lajanl gentan disparèt

Li pat ka potel nan jijman li

Pou akite yon si gran dèt

Grannèg te la men enpòtans li

Pat konte lè lanmò mele

Lè zanj la egzamine achiv li

Non grannèg la pat janm mansyone.

3

Vèv yo te la ak òfelen yo

Bondye tande lè yo kriye

Pap janm genyen tristès nan syèl la

Tout dlo nan je va fin siye

Tafyatè te la ak banbochè yo

Avèk tout moun ki tap vann tafya

Wangatè, volè ak adiltè yo

Tout ansanm te desann nan lanfè.

4

Mesye moral rive nan jijman

Men bon zèv moral li pat sifi

Sa yo ki te krisifye Jezi

Te pase pou moun moral tou

Epi sa yo ki te konn ap di:

Pita na gentan sove wi

Se pako lè pou nou pran Jezi.

Poutan, yo jwenn tan pou mouri.

The post 72 HCK – Mwen reve mwen tande twonpèt yo appeared first on Haitianview.

1

Mwen te yon gran pechè lèm vini,

Pou resevwa padon Bondye

Kris tande priyèm, mwen reyalize

Li pap janm abandonem.

Kè

Gen yon non nouvo ekri nan laglwa,

Se non mwen, wi se non mwen,

E zanj yo ap rakonte istwa sa a

Yon lòt pechè sove.

Gen yon non nouvo ekri nan laglwa,

Se non mwen, wi, se non mwen.

Pechem yo padone,

Nan syèl la mwen prale pou letènite.

2

Devan lakwa Jezi mwen bese

Paske se yon koupab mwen ye,

Epi syèl la louvri, e mwen wè,

Kote yo ekri non mwen.

The post 71 HCK – Mwen te yon gran pechè lèm vini appeared first on Haitianview.