Kote konbit yo ki pou rekòlte

Gran mwason pou nanm

Nan jaden peche?

Fòk nou byen pare ak laverite,

Ranmase rekòt pou letènite.

Kè

Chache travayè pou rekòlte,

Gran mwason nanm ki nan jaden peche

Kilès ka edem nan travay Bondye,

Egzante nanm yo nan jijman dife?

2

Travay la pral rèd, lap fè cho anpil,

Na keyi nanm moun malgre gwo raje,

Pa kite yon sèl,

Paske tout pou Kris,

Tout efò nou fè, sonje Kris fè plis.

3

Mwason an pare, fòk nou rekòlte,

Travay la anpil, manke ouvriye.

Yon jou na regrèt si nou fè reta,

Vini bay konkou ou

Nan gran travay sa a.

4

Annou mete men

Senyè a vle sa,

Nou pa fin konnen

Valè yon sèl nanm

Yon jou mèt rekòt la va retounen,

Li vle nou rejwi ak Li pou tout tan.

The post 17 VRK – Kote konbit yo ki pou rekòlte appeared first on Haitianview.

Kè mwen boulvèse anba kòlè Bondye,

Anvi lemonn trennenm nan bafon peche

Senyè, pou yon pòv mizerab gen pitye,

Touswit li potem sekou kotem te ye.

Kè

Li retirem nan labou peche,

Li mete pyem sou tè fèm se vre,

Li fè kèm rejwi e map chante

Yon chan, pou Bondye, Alelouya!

2

Li te metem sou tè fèm bò kote li

Pye mwen vin asire nan chemen lavi,

Nanpwen danje ankò, li kenbem debou,

Map mache pazapa avèk li toujou.

3

Li mete yon chan louwanj anndan kè mwen

Lannwit kon lajounen se li map chante

Kè mwen ap debòde, nanm mwen afranchi,

Tout glwa pou Redanmtè Senyè Jezikri.

4

Map chante gran mizèrikòd li pou mwen

Map felisitel jouk tan tout moun konnen

Nanpwen lòt Sovè pou lèzòm jodi a,

Vin chache sekou li avan li twò ta.

The post 16 VRK – Kè mwen boulvèse anba kòlè Bondye appeared first on Haitianview.

Lè ou konte moun ki pou Jezi

Kontem ladann,

Nan moun ki konfye nan pawòl li,

Kontem ladann.

Kè

Kontem pami pitit ki pou Wa syèl la

Kontem tankou sèvitè kap sèvi a

Kontem pami moun sove, Alelouya!

Kontem ladann.

2

Lè ou konte moun ki nan lagras

Kontem ladann

Sa yo an Kris ki genyen yon plas

Kontem ladann.

3

Lè ou konte temwen yo pou Kris

Kontem ladann

Ki va genyen kouwòn lajistis

Kontem ladann.

The post 15 VRK – Lè ou konte moun ki pou Jezi appeared first on Haitianview.

Nan Kris e nan Kris sèl na jwenn vrè lavi

Se grasa li vye nati a mouri,

Li rachte mwen nèt, kò, nanm, ak lespri mwen

Se pa mwen kap viv, men Kris viv nan mwen.

Kè

Abondans lavi, se sam jwenn nan li,

Li transfòme mwen,

Poum sèvi li byen,

San li te rachte mwen;

Li ban mwen Lesprisen,

Se nan Kris ki gen abondans lavi.

2

Sentespri Bondye konvenk mwen de pechem,

Li fèm konfye nan pwomès Bondye tou

Glwa apre glwa map transfòme poum rive

Sanble nèt avèk Jezi Senyè mwen.

3

Dlo ki nan sous lavi a ap debòde,

E se li ki pote benediksyon,

Se lavi an nabondans lap transpòte,

Li bay lanmou, lajwa, lapè, padon.

The post 14 VRK – Nan Kris e nan Kris sèl na jwenn vrè lavi appeared first on Haitianview.

Mwen te vin jwenn Jezi byen fatige,

Jezi ban mwen repo (bis)

Alèkile kè mwen vini byen ge,

Jezi ban mwen repo.

Kè

Jezi se sèl Sovèm,

Li padone pechem.

Li mete yon chan nan kè mwen.

Mwen kontan, Jezi se sèl Sovèm.

Jezi se sèl Sovèm.

2

Fado pechem te twò lou poum pote;

Jezi soulaje mwen (bis)

Mwen ba Li tout fadom alèkile;

Jezi soulaje mwen!

3

Jezi wete tout kondanasyon mwen

Li padone pechem (bis)

E kounyè a gen lapè nan kè mwen

Li padone pechem.

4

Vin jwenn Jezi,

Vin jwenn li jodi a

La wete peche ou (bis)

La fè ou kontan, Li va sove ou;

La wete peche ou!

The post 13 VRK – Mwen te vin jwenn Jezi byen fatige appeared first on Haitianview.

Pitit byenneme nan Jezi,

Mèvèye pawòl lagras;

Nan pitit li papa a wè nou

Grasa Kris li ban nou plas.

Kè

Alèkile nou se pitit Bondye

E sa nou va ye pako manifeste,

Men nou konnen lè li va parèt,

Nou konnen lè li va parèt,

Nou va sanble li,

Nou va sanble li,

Paske na wè li jan li ye.

2

Esperans beni pa lwen nou

Byento na wè glwa Bondye

Lè ekla selès parèt tou

Na kontanple fas Jezi.

3

Pwomès Kris va reyalize,

Na gen menm imaj ak Li,

Se pisans Li ki transfòme

Chak moun ki vin konvèti.

The post 12 VRK – Pitit byenneme nan Jezi appeared first on Haitianview.

Mwen se temwen Jezikri

Map obeyi li

Lemonn pa ka bay lavi

Se sèl Jezikri.

Mwen vle konsakre lavim

Poum fè sèvis li

Tout byen m gen sou latè

Se pou travay li.

Kè

O! Wi, pouw temwen

Fòw konnen Jezi,

Sèl pitit Bondye a

Ki mouri pou nou;

Lòm pa kapab jwenn Bondye

Sanl pa jwenn Jezi

Alelouya! m te pèdi

Menm twouve lavi.

2

Abraram papa lafwa

Bib la di nou sa,

Avan Abraram te la

Jezikri te la;

Jezikri pat janm pa la

E lap toujou la

Pouw gen lavi etènèl emwen

Fòw nan Jezikri.

3

Lèm kwè m te pre Jehova

Poutan m te byen lwen,

Mwen tap chache verite

Tout kotem pase;

Tout pouvwa pou Jezikri

Ki fèm wè erèm

Se li ki laverite

Pou letènite.

4

Senyè Bondye twa fwa sen

Ki gen tout pouvwa

Ou ki voye Jezikri

Vin mouri pou nou

Nou ba ou remèsiman

Pou bon Sovè sa

Ki te bay lavil pou nou:

Jezi Wa tout wa.

The post 11 VRK – Mwen se temwen Jezikri appeared first on Haitianview.

Senyè Bondye, mwen sezi nan prezans ou

Lèm wè monn sa a

Se men ouk te kreyel,

Zetwal yo la, mwen tande loraj gwonde;

Se pisans ou tout linivè montre.

Kè

Nanm mwen chante nan ou Bondye pisan:

Ala ou gran! Ala ou gran! (2 fwa)

2

Lè mwen sonje, Bondye bay sèl pitit li

Poul vin mouri, se sa ki touche kèm

Sou bwa Kalvè, li pote tout fado mwen,

San li koule pou wete tout pechem.

3

Lè Kris parèt, zanj yo va admire li

La pranm nan syèl nan rejwisans tout tan;

Ma pwostène nan pyel pou adore li,

E pwoklame: Bondye ala ou gran!

The post 10 VRK – Senyè Bondye, mwen sezi nan prezans ou appeared first on Haitianview.

Lè map vini pèsonn pap janm konnen (bis)

Pa menm zanj nan syèl

Pap konnen gran jou sa a (bis, 2 liy)

(bis, 3 liy)

Kè

Kenbe mwen banm kouraj

Pou Satan pa pran mwen

Kenbe mwen banm kouraj

Jouktan la vin chachem.

2

Lè map vini pèsonn pap janm konnen (bis)

Se sèl Bondye nan syèl

Ki konnen gran jou sa a (bis, 2 liy)

(bis, 3 liy)

3

Lè map vini pèsonn pap janm konnen (bis)

Gen yon kout twonpèt

Kap sonnen nan syèl la (bis, 2liy)

(bis, 3 liy)

The post 9 VRK – Lè map vini pèsonn pap janm konnen appeared first on Haitianview.

Nou regrèt, fòk nou separe,

Alèkile nap prepare

Pou nou anbrase e pou nou ale

Lapè, orevwa!

2

Nan men Bonye ki pap kaba,

Se li menm kap gide nou pazapa

Epi nou ka jwi pwoteksyon sa a,

Lapè, orevwa!

3

Gwo delivrans nap resevwa

Avèk lanmou li e pisans lafwa

Kounyè a nou pral nan gran travay la

Lapè, orevwa!

4

Kouraj, kouraj, kenbe lafwa,

Si nou pa ka ret ansanm isiba

Se pou nou fidèl jouk nou nan laglwa,

Lapè, orevwa!

The post 8 VRK – Nou regrèt, fòk nou separe appeared first on Haitianview.