1
Mwen leve devanw Bondye
Map repann nanm mwen poum chante
Mwen louvri gòj mwen poum ba ou glwa
Paske se ouk genyen tout pouvwa
Map rele byen fò poum fè louwanj ou
M desann mwen byen ba devan ou
Mwen vin pwoklame kijan ou gran
Mwen vle egzalte nonw pou tout tan.
Lèm rele nan pyew, ou tande rèl mwen
Anba chenn peche ou delivre mwen
Ou toujou reponn ak tout bezwen mwen
Senyè ou toujou soulaje mwen
Se ou ki banm fòs pou mwen goumen
Devan tantasyon k vle fèm trennen.
Lè chemen mwen nwa, ou toujou banm men
Ou ban mwen lespwa lè tout pòt fèmen
Se ou ki ranpa, wòch delivrans mwen
Sou tout ti pyebwa lawouze simen
Ou gen tout pouvwa, ou beni nanm mwen
Jezi ou se Wa wap gouvène.
