1
Papa mwen chita devanw maten an
Men ti Bib mwen louvri devanm
Map mandew tanpri louvri lespri mwen
Poum ka konprann pawòl ki ladanl
Poum ka sonje se ou ki papa mwen
Poum toujou fè tout sa ou di mwen
Mwen bezwen fòs Lesprisen ou anpil
Poum rete toujou nan bon chemen.
Kè
Lavem ak dlo vivan
Nourim ak pawòl vivan
Poum sèvi Bondye vivan
Toutotan mwen rete vivan.
2
Mèsi Bondye ou ban mwen pawòl sa a
Lèm dekouraje li ban mwen fòs
Lèm grangou, lè mwen swaf mwen sipòte
Pawòl sa gen pwoteyin ladanl
Tanpri pa kitem pase yon maten
Poum pa pran randevou ak Bib mwen
Sanm pa jwenn medikaman mwen bezwen
Pou pase jounen an ak Bondye.
