1
Bondye va sove moun ki pou li yo
Nou menm kretyen nou dwe kenbe lafwa
Menm si nou wè lemonn ap boulvèse, kenbe la.
Lè Bondye tap touye premye ne Lejip yo
Pèp Izrayèl pase san mouton an
Lè zanj lan pase li pa wè san an, li touye.
Kè
Gloriya! Gloriya! Gloriya! Glwaradye! (2 fwa)
2
Yo lage twa jèn gason nan founèz
Wa a pase lòd pou yo chofe founèz la
Demen lèl gade li wè kat moun, tou vivan
Yo lage Danyèl nan fòs lyon an
Lyon yo kouche e yap adore li
Nan demen wa a gade li wè Danyèl tou vivan.
3
Yo pran Samson yo metel nan prizon
Kat mil moun te vin pasel nan rizib
Bondye te fè Samson kraze kay la, yo mouri
David bay Golyat yon kout fistibal
E li pran epel li koupe tèt li
David soti nan kan Filisten an, byen vivan.
4
Lè Bondye tap lage dife nan vil Sodòm
Twa zanj al di Lo poul kite vil sa a
Dife sot nan syèl li boule Sodòm, Lo vivan.
Bondye di Noye poul fè yon bato
Lap rantre ladanl ak tout fanmi li
Dlo monte touye moun sou latè, Noye vivan.
5
Jezi kontre antèman Nayim nan
Yon jèn fiyo ta pral mete nan tonbo
Jezi kanpe li fè li leve, byen vivan
Lè Laza te mouri depi kat jou
Yo te mennen Jezi bò tonbo a
Jezi te priye Laza te leve, byen vivan.
6
Pyè te rive nan lanmò Dòkas la
Li met ajenou atè li priye
Li gade li wè Bondye fè vèv la, byen vivan
Yo te klouwe Jezi sou lakwa a
Yo te potel al metel nan tonbo a
Bondye voye zanj yo woule wòch la, Jezi vivan.
