1
Si nou sonje lè nou te nan lemonn
Nou te nan esklavaj, nou pat genyen espwa
Nou te tankou mouton ki egare
Ki pat gen patiraj
Djab la te mennen nou
Nan tout sa ki pa bon
Men Jezi nan lanmoul te vin mouri pou nou
E li te rachte nou anba malediksyon
Kounyè a nap chante pou nou ka ba li glwa
Paske li delivre nanm nou anba peche.
Kè
Si ou genyen pwoblèm pandan nap chante la a
Leve men ou anlè, pwoblèm ou va rezoud,
Jezi, pwoblèm yo nan men ou.
Pwoblèm espirityèl, pwoblèm santimantal
Pwoblèm materyèl, yo tout yo nan men ou
Jezi, pwoblèm yo nan men ou.
Gen moun ki san manman
Gen moun ki san papa
Se òfelen yo ye, yo tout yo nan men ou
Jezi pwoblèm yo nan men ou
Si ou genyen lafwa ou mèt desann men ou
Nan non Jezikri pwoblèm ou va rezoud,
Jezi, pwoblèm yo nan men ou.
2
Lemonn alèz yo di yo san pwoblèm,
Men yo tout pè mouri paske vi yo pa pwòp;
Nou menm kretyen nou konn gen ti pwoblèm,
Men nou pa pè anyen paske Bondye nou an
Se matematisyen.
Se lik kreye lemonn ak tout sa ki ladanl
Tè a avèk syèl la se nan men li yo ye
Li konn geri malad, li konn rezoud pwoblèm
Nou pa ka konpare grandè Bondye nou an.
