6 GAK – Poukiw bat kòw pou sa kap vin demen

0
1312

1

Poukiw bat kòw pou sa kap vin demen?

Pou tout bagay nou pakap konprann;

Si nap viv chak jou poun atenn bi a,

Se poun veye poun touche ke wòb Seyè a.

Desizyon nou ka fè nou jwenn wout pèfeksyon an

Revèy Bondye nan nou va pi gran pase tout lòt yo.

E lè vwa Jezi va pale ak nou

An nou veye poun touche ke wòb Seyè a.

2

Pouki ou bat kò ou pou yon maryaj fòse?

Pouki ou pa tann Seyè a fè chwa pou ou?

Eske maryaj vle di se sove pou sa?

Se poun veye poun touche ke wòb Seyè a.

3

Fòk nou fò, fòk nou kriye an avan;

Fòn pa fache lè bagay yo mache mal.

Jezi konnen bezwen chak pitit li

Se poun veye poun touche ke wòb Seyè a.