1
Leve nanm mwen ak solèy la
Kòmanse tach ou jodiya
Premye bagay ou gen pou fè
Se louwe Bondye ak tout kè.
2
Pinga ou gaspiye tan ou
Viv jodiya kon dènye jou
Anplwaye talan ou yo byen
Nou tout va jije alafen.
3
Tout pawòl ou yo dwe sensè
Konsyans ou dwe toujou klè
Paske Bondye wè sa wap fè
Li konn tout panse nan tout kè.
4
Kè mwen, se pou ou leve tou
Tout zanj yo va chante ak ou
Yo menm yo pap janm fatige
Louwe, beni, sèvi Bondye.
5
Bondye mwen vle di ou mèsi
Ou te pwotejem lèm dòmi
Lè mwen dòmi pou dènye fwa
Fèm leve devanw ak jwa.
6
Mwen vle remèt mwen nan men ou
Netwaye kèm ak lesprim tou
Gide volonte mwen chak jou
E ranpli mwen ak Lespri ou.
7
Gidem, Senyè, tanpri konduim
Nan sa map panse, fè ou di
Pou tout fòs mwen kapab sèvi
Pou laglwa ou Senyè Jezi.
8
Beni Bondye ki renmen nou
Beni li, tout moun toupatou
Ak zanj nan syèl yo ann beni
Papa, Pitit e Sentespri.
